الخاسر هو الشعب
اللي يخلص هو الشعب
اللي يسوفري هو الشعب
ديما باية في الشعب

لهلكوا هاذ البلاد كل لازم يتقتلوا

لهلكوا هاذ البلاد كل لازم يموتوا

لهلكوا هاذ البلاد كل لازم يطيحوا

كاين بلاد في l'Afrique كنحولهم الدين

قالولهم متعبدوش ربي لزين وليو عابدين

في الجمعة قولوا vive الرئيس نتاعنا

هو كيما فرعون قالهم أنا هو الرب الأعلى

التاريخ يعاود نفسوا في décore جديد

في بلاصة الوزارة كانوا بكري les pyramides

الشعب واقف كيما وقف بكري موسى

ذبحوهم بالموس و حبوا يشروهم بالفلوس

في يدهم العصا و ضرك يتحل البحر على زوج

و يموتوا الكفار ليعبدوا المادة كيما الروس

اليوم درنا الصلح, غدوة نجبوا الربح

بعد 10 سنين كيما الصحابة نديروا الفتح

و يطيح لكان واقف و هلك البلاد هذي

و يبانوا الخونة كما الخوارج نتاع علي و معاوية

اليوم تعبى راسي بles problèmes  لراني نشوفها

اليوم تعبى راسي بالحياة لعدت نعافها

الدنيا تغفل كيف الطفلة لتفتن كيف الشعير الخامر ليسكر كيكون معفن

قداه من واحد يتكيف pas de plaisir  خطاك يوم بعد يوم الهم نتاعو غير يزيد

عنبالو بلي ماشي حل بسح في دقيقة هديك خلي ننسى و لو شوي

مباعد دقيقة تولي ساعة .ساعة تولي نهار .نهار يولي شهر.و الشهر يولي عام

و ثم يروح الحال و تغيضوا صح وش دار و شيء ليغيضوا أكثر c que  مكانش marche arrière

هذا problème  نتاع عبد  imaginé كيكون نتاع شعب القارو ميكفيهش لازم النار تتشعل

Surtout كيشوف سواردو ثابوا كالجليد surtout كيشوف سواردو بناو بهم les châteaux نتاع بن جديد

عيب البلاد قاعد تريب. مداروا  راحوا بدلواكلب بذيب

حيلي بلهف سخانه يقلبها برودة كل يوم يهدر هداير و هوما يسفقوا كالقرود

كنشوف في télé des images  عباد هايجين ضربوا la police بالسلاح

كسروا حوايج الناس جبدونا لمواس وش بهم كالدواب

و هو jamais يتقاس تلقاه صافي blanc comme neige

يضحك على الشعب لطاح في le piège

لعوام لي فاتوا جابلو الدين و نصبلوا الفخ

اليوم داروا التاريخ la ras  و معاهم اللغة

على هذيك هاذ البلاد بدم قاعد تتغلف الآخرة و ديمى تتخلف